الرجال من بولاق والنساء من أول فيصل

كتاب الرجال من بولاق والنساء من أول فيصل

كتاب الرجال من بولاق والنساء من أول فيصل

تأليف: احمد خالد توفيق

مقدمة عن الكتاب :

في السنة اللي عمل فيها جون جراي كتابه الشهير الرجال من المريخ والنساء من الزهرة... عملنا كتاب الرجال من بولاق والنساء من أول فيصل... واللي باع أكتر من خمسين نسخة. كتب عربي... أم الأجنبي... ورغم ذلك ومع كل احترامنا للدكتور وكتابه الرائع... لكن برضه الكتاب ناقص مواضيع كتير ومهمة... يعني مثلًا ماتكلمش على سيكولوجية الفانلة الحمالات للزوج ومدى تأثير ريحتها على الزوجة، ولا حتى اتكلم على مناخير الزوج وعلاقتها بحاسة السمع عند الزوجة أثناء النوم، كمان الكتاب تجاهل عمدًا التعرض للاختلافات الجوهرية بين الزوجة اللي بتعرف ترقص والزوجة اللي مابتعرفش وعلاقتهما بخيانة الزوج أو رغبته في الزواج بأخرى... وغيرها وغيرها (بس الواحد مش عايز يتكلم) من المواضيع شديدة الحساسية والتي تمس صلب العلاقة بين الراجل والمرأة الشرقيين... (اللي هما من الشرقية يعني) .

بعض الاراء من Goodreads 

الكتاب يستحق نصف نجمة. وذلك للعنوان والغلاف في الواقع. والحقيقة انا مش عارفة ازاي كتاب زي دا يتنشر. ما هي خلفية الكاتب اصلا عشان يدينا نصايح؟
ثم ان نصائحه أساسا سطحية ونمطية لاقصى درجة. في رأيه الست تبقى لازم رغاية. والرجل لازم تعبان من الشغل -ياعيني- وشهوته غالبة عليه -ياعيني برضو-. وعلى الست انها لازم تضحي عشان البيت. تضحي بشغلها.. وبكرامتها وكذلك باحترامها لنفسها عشان خاطر البيت. ولو الرجل لعب بديله ولا عمل شئ غلط، يبقى اكيد الست السبب ولازم تراجع نفسها وتصلح غلطتها.. ياعيني سابع مرة.
دا طبعا بقى غير الخفة المتناهية للكتاب تحت غطاء "أدب ساخر". ومش فاهمة مين اللي اخترع الاسم دا. لانه لا أدب ولا حتى ساخر.. 
تقريبا دا أول كتاب أكتب عنه بالطريقة دي لانه نرفزني حقيقي.. ولولا اني عايزة اعرف المجتمع وصل به الحال لفين ماكنتش قرأته. ولا انصح اي حد يشتريه 



ما أعجبني في الكتاب الحديث بحيادية وتحليل لبعض المشاكل الزوجية في الفصول
1- جوزي بيخونني
2- مناخير جوزي
3- أرجوكي سيبي الشغل
4- جوزي بقي سايلنت

ما لم يعجبني في الكتاب
1- تكرار توجيه النصائح المباشرة وده أنا عندي مشكلة معاه جداً ﻷني مبحبش حد يقوم بدور الموجه لي وكأنه صاحب التجربة الأنجح ولزاماً علي الجميع الاقتداء به لو عايزين يوصلوا لنفس النجاح
2- الحديث عن بعض الموضوعات بالنظرة الذكورية المرفوضة اللي بنحاول نتخلص منها واللي كانت سبب في خراب بيوت كتير زي
* النظر لإهتمام المرأة بالمشاعر وحب الهدايا والمفاجأت علي إنه هيافة ستات وﻻزم ناخدهم علي قد عقلهم علشان الدنيا تمشي
* موضوع الرقص وعرضه كأنه حاجة مصيرية للزوج ومطالبة الزوجة بالتحامل علي نفسها علشان جوزها مايبصش برة ﻷني مؤمن إن أي حاجة في العلاقة الزوجية ﻻزم يكون أساسها رضا الطرفين وإلا بمرور الوقت هايحصل نفور نتيجة لتراكم الضغط
*إلتماس الأعذار للرجل في أخطاء كتير غير مقبولة إنسانياً وﻻ دينياً زي تجاهل إهتمام الزوجة بدعوي الضغوط النفسية في العمل وإلتماس العذر للرجل في إلقاء مسؤولياته علي الزوجة بعد إعتياده تحملها لها
الكتاب فكرته كويسة واسمه مبتكر لكن كان ممكن يتقدم أفضل من كدة






لتحميل كتاب الرجال من بولاق والنساء من أول فيصل

عبر الرابط التالي

ليست هناك تعليقات:

إرسال تعليق

للتسجيل فى الموقع

أتصل بنا

الاسم

بريد إلكتروني *

رسالة *